01
сентябрь
2022
1 қыркүйек -Білім күні
Құрметті ұстаздар! Ардақты ата-аналар! Қадірлі оқушылар! Сіздерді бүгінгі мереке-Білім күнімен шын жүректен құттықтаймын!
1 қыркүйек барша халықтың, әсіресе балалардың көптен күтетін мерекесі. Бұл мереке кейбір азаматтардың мектеп қабырғасын, колледж және жоғары оқу орындарына барған күндерін еске түсірсе, жас мұғалімдердің алғашқы жұмыс күні әсері мен толғанысын айғақтайтын ұмытылмас сәттерімен есте қалады. Бұл күн тек атаулы мереке ғана емес, бұл біздің еліміздің болашағы тәуелді болған қызу қайнаған, жауапты кезең бастамасы.
Бүгін мектеп табалдырығын алғаш рет аттаған білімге құштар бүлдіршіндеріміздің қадамдары оң болсын! Білім нәрімен сусындап, ақылды азамат, отан сүйгіштік рухтарың мықты болуын тілеймін. Асқар шыңдарды бағындырыңдар. Қонар тұғырларың биіктей берсін!
Құрметті ұстаздар! Жаңа Қазақстанның болашағы болған жас ұрпақты тәрбиелеуде, Сіздерге зор денсаулық, кәсіби шеберліктеріңізді одан әрі ұштап, білім сапасын арттырудағы игі бастамаларға педагогикалық ізденіс, шығармашылық табыс тілеймін!
Жаңа оқу жылы баршаға құтты болсын!
Ізгі тілекпен мектеп директоры Садиков Косжан Ажибекович!


