Буллингтің алдын алу – басты міндет!

Буллингтің алдын алу – басты міндет!

Шымкент қаласы білім басқармасына қарасты Хамза атындағы №42 жалпы орта білім беретін мектебінде 9-10 сынып оқушылары арасында профилактикалық жиналыс өтті. Оған Шымкент ҚПД Тұран АПБ-ның қызметкерлері мен мектеп әкімшілігі қатысты.

 Тақырыбы:

«Кәмелетке толмаған балалар арасындағы буллингтің алдын алу»

Жиналыс барысы:

 Шымкент ҚПД Тұран АПБ инспекторы аға лейтенанты Б.Б.Мендибаев буллингтің қоғамдағы түрлерін, оның алдын алу әдістерін және балаларға тигізетін теріс ықпалдарын түсіндірді. Ол жол ережелерін бұзу немесе денсаулыққа зиян келтіретін әрекеттердің құқықтық салдары туралы да баяндады.

 Мектеп директорының тәрбие ісі жөніндегі орынбасары Д.Ураимжанова мектепішілік ережелерге тоқталып, оқушылардың тәртібі мен міндеттерін еске салды. Мектеп формасын сақтау және тыйым салынған заттарды әкелмеу туралы ақпарат берілді.

 Оқушыларға Қазақстан Республикасының құқық бұзушылықтарға қатысты заңдары түсіндірілді.

 Мектеп оқушыларының жол ережесін сақтау және буллингті болдырмау мақсатындағы ережелері нақты жеткізілді.