“ Абайды бірге оқимыз!”

Шымкент қаласының Әдістемелік орталығы жалпы орта білім беру ұйымдарында Абай Құнанбайұлының туғанына 180 жыл толуына орай, туындыларын дәріптеу жұмыстарын “ Абайды бірге оқимыз!” жобасы аясында, Хамза атындағы №42 жалпы орта білім беретін мектепте жоспарға сәйкес көрме ұйымдастырылды. Директордың әдістемелік ісі жөніндегі орынбасары Мадалиева Хилола Гафуржановна және мектеп кітапханашылары Гулметова Роза, Әбдіпәте Аружан тарапынан Абай шығармашылығын насихаттауға арналған көрме өткізілді. 

 Көрмеде ақынның өлеңдері мен қара сөздерінен, оның терең ойларынан сыр шертетін кітаптар қойылды. Электронды qr-кодтар арқылы оқушылар Абайдың өмірі мен қоғамдық қызметіне арналған биографиялық деректер мен ғылыми зерттеулерімен таныса алды.

 Көрмеде ақынның шығармашылығының ғылыми тұрғыдан зерттелуі мен әдебиеттанушы ғалымдардың еңбектері М.Әуезов, М.Мырзахметов, Қ. Мұхамеджанов және т.б. абайтанушы ғалымдардың іргелі зерттеулері қойылды. Абайтану ғылымы мен оның өлеңдері, қара сөздері , шығармалары жазылған кітап тар  мектеп қабырғасындағы оқушыларға , көпшілік көрерменнің назарына ұсынылды. Оқушылар Абай атамыздың мұрасымен танысу арқылы, адамгершілік тәрбиесін дамытып, рухани дүниелерін  байытты. Абай кітаптары оқырман көңілінен шығары сөзсіз!