03
октябрь
2023
"ҰСТАЗЫМ МЕНІҢ, ҰСТАЗЫМ"
"ҰСТАЗЫМ МЕНІҢ, ҰСТАЗЫМ" ЧЕЛЛЕНДЖІ
ҚР Оқу ағарту министрі Ғани Бектайұлы Бейсембаевтің «Ұстазым менің, ұстазым» челленджін қолдаймыз!
Ұстаз- таудай арқырай аққан тау өзені секілді, айналасына қуат беріп, жолында кездескендерді суымен нәрлендіріп, таудай қиындықтарды тастай домалатып, білімнің сар даласында тыныштық тауып, дамылдайды. Ұстаз- Жер деген әлемнің бетін көркейткен, шәкірттеріне шуақ төккен Күн- Ана. Ұстаз- ақылдың тозбайтұғын асылы. Қасиетті мамандық иелерінің ішіндегі жауһары. Ғылым иесі ғалым да, ел қорғаған батыр да, тілінен бал тамған ақындар да, тегеуріне темір балқытқан жұмысшы да, егін еккен дихан да, мал бағып терін төккен шопан да бәрі- бәрі ұстаздан білім алған. Сондықтан ұлағатты ұстаздарға бүкіл адам баласы бас иеді.
Ұстаздар мерекесі қарсаңында мектебімізде көп жылдар бойы еңбек еткен ардагер ұстазымыз Нарметова Хабиба Хайруллаевнаны Мұғалімдер мерекесімен шын жүректен құттықтаймыз. Нарметова Хабиба Хайруллаевна сіздің өмірлік тәжірибеңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі сіз мектебіміздің өсіп-өркендеуіне қосқан үлестеріңіз бен еңбектеріңіз ерен. Талай жастарды тәрбиелеп, ізбасарларыңызды өсірдіңіз. Сіздей мейірімді, еңбекқор, адал жанға айтар алғысымыз шексіз. Мерейлі мерекеде деніңізге саулық, отбасыңызға амандық, істеріңізге сәттілік тілейміз.