«МЕКТЕБІМ –МЕЙІРІМ МЕКЕНІ!»

«МЕКТЕБІМ –МЕЙІРІМ МЕКЕНІ!»

Шымкент қаласы білім басқармасына қарасты "Хамза атындағы N42 жалпы орта білім беретін мектеп" коммуналдық мемлекеттік мекемесінде 2024 – 2025 оқу жылының 1 – қыркүйек Білім күніне арналған «МЕКТЕБІМ –МЕЙІРІМ МЕКЕНІ!» тақырыбында салтанатты мерекелік іс-шара өтті.

Бүгінгі күн оқушылар, ата-аналар мен ұстаздар үшін ең маңызды да ерекше күн. Салтанатты іс-шарада мектеп директоры Садиков Косжан Ажибекович барлық ұстаздар мен оқушыларды, ата-аналарды 1-қыркүйек - Білім күнімен және жаңа оқу жылының басталу салтанатымен құттықтап, жаңа оқу жылына сәттілік тілеп, бүгінгі оқушы- білім бәсекесіне төтеп бере алатын, санасы ашық, халқымыздың рухани- адамгершілік құндылықтарын бойына сіңірген, үштілді еркін меңгерген тұлға болуы керек екенін өз сөзінде, айтып өтті. Сондай-ақ салтанатты жиынға Қамқоршылық кеңестің төрағасы Талипжанов Халил ағай құттықтау сөз сөйлеп оқушыларға өз ізгі тілектерін білдірді. Салтанатты жиында балғын балалықпен қош айтысып, мектеп табалдырығын имене аттаған жас бүлдіршіндер ән айтып, би билеп, өлең шумақтарын тарту етті. Мерекелік жиын мектеп оқушыларының концерттік бағдарламасымен жалғасын тауып, жаңа оқу жылының алғашқы қоңырау соғылды.