"Мектебім-мейірім мекені" атты салтанатты жиын

Шымкент қаласы білім басқармасына қарасты Хамза атындағы #42 жалпы орта білім беретін мектебінде 1 қыркүйек "Білім күніне" арналған "Мектебім-мейірім мекені!" тақырыбында салтанатты жиын өтті. Салтанатты жиында мектеп директоры Қ.Садиков жиынға қатысушы жас бүлдіршіндерді, ата-аналар және ұстаздарды білім күнімен құттықтап, ізгі тілектерін білдірді.

Салтанатты жиынға қамқоршылық кеңесі мүшелері Д.Альметова, Х.Талипжановтар қатысып, ұстаздар мен ата - аналарды, оқушыларды мерекелерімен арнайы құттықтап, жаңа оқу жылы берекелі, табысты, нәтижелі жыл болып, толағай табыстар мен үлкен жетістіктерге жете берулеріне тілектестігін білдірді. Әрі қарай іс - шарада мектеп оқушылары өздерінің дайындаған өнерлерін көрсетсе, мектеп табалдырығын жаңа аттаған бүлдіршіндер ән айтып, өлең шумақтарын тарту етті.

Жиынның соңы бірыңғай «Мектебім — мейірім мекені!» тақырыбында республикалық сынып сағаттарына ұласты.

Білім күні құтты болсын!